الاثنين، 24 يونيو 2019

معرفة رصيد بطاقة ماستر كارد مصرف التنمية وكشف شهري كامل

مرحبا بالجميع، اليوم حنتعلم شلون نعرف الرصيد الموجود ببطاقة ماستركارد مصرف التنمية الدولي وكشف حساب كامل للبطاقة مع كافة التحركات.



اول خطوة نروح للرابط اللي بالاسفل:


بعدهة نضغط على حساب جديد اللي بالاسفل، بعدهة تطلعلنة لوحة جديدة مثل الصورة:



نمليء من خلالهة كافة المعلومات المطلوبة، المعلومات عبارة عن رقم البطاقة وهذا الرقم موجود على وجه البطاقة فوق الاسم متكون من 16 رقم نكتبة بدون فواصل وبحقل البريد الالكتروني تكتب بريدك الالكتروني وبشرط يكون شغال وبعدهة نكتب رقم موبايلك وبعدهة نكتب كلمة مرور متكونة من حرف كبير وحرف صغير ورقم ورمز وبعدهة نضغط على تسجيل حتطلعلنة لوحة يكول بيهة تم تسجيل معلوماتك بنجاح مثل الصورة:



بعدهة نروح للبريد الالكتروني (الايميل) حنلكه رسالة واصلتنة من المصرف، بيهة جملة بالازرق "اضغط هنا لتفعيل حسابك" لكن باللغة الانكليزية، مثل الصورة:



نضغط عليهة حتطلعلنة هاي الصورة:



بعدهة نضغط على تسجيل الدخول وراهة نرجع للبريد الالكتروني حنلكة رسالة جديدة ثانية واصلتنة من المصرف بيهة اسم المستخدم وهو عبارة عن ارقام باللون الجوزي نسويلهة نسخ مثل الصورة: 



نرجع وراهة لصفحة تسجيل الدخول نلصق الرقم الجوزي بحقل اسم المستخدم وبحقل كلمة المرور نكتب كلمة المرور اللي كتبناهة بالتسجيل وراهة نضغط على دخول، حتطلعلنة اللوحة بيهة كل معلومات حسابك والرصيد المتوفر مثل الصورة:



لمشاهدة طريقة التسجيل بالتفاصيل شاهد الفيديو: 


هذه صفحة حديثة