الجمعة، 22 فبراير 2019

معرفة الرصيد الموجود ببطاقة كي ماستر كارد مصرف الرافدين وكشف حساب كامل للبطاقة

مرحبا بالجميع اليوم حنحجي بالطريقة العامية العراقية شلون نعرف الرصيد الموجود ببطاقة كي ماستر كارد مصرف الرافدين وكشف حساب لكل الاستقطاعات وعمليات التحويل والرصيد الموجود مجانا.


معرفة الرصيد الموجود ببطاقة كي ماستر كارد مصرف الرافدين


اول شي نروح للرابط هذا اللي بالأسفل ونضغط وراهة على تسجيل:


بعدهة حنشوف صفحة مثل الصورة بالأسفل بيهة معلومات مطلوب من عدنة نمليهة بعد ما نملي المعلومات نضغط على "تحقق من صحة البيانات".

كي ماستر كارد


بعدهة حيدزولنة رسالة نصية SMS للموبايل بيهة كلمة مرور مؤقتة نكتبهة بحقل "يرجى ادخال كلمة المرور المؤقتة" بعد ما نكتبهة نضغط على تأكيد كلمة المرور المؤقتة.

بعدهة حنشوف صفحة جديدة نكتب بيهة البريد الالكتروني الخاص بينة (مثلا بريد كوكل) وبعدهة نضغط على التحقق من البريد الالكتروني، حيدزولنة رسالة للايميل بيهة رقم سري ننسخة ونلصقه بحقل كلمة السر لمرة واحدة وراهة نضغط "تاكيد كلمة السر لمرة واحدة".

ماستر كارد مصرف الرافدين


اخيرا حتطلعلنة صفحة ملئ المعلومات الاخيرة لازم نكتب بيهة كلمة المرور بالأضافة للبريد الالكتروني الخاص بينة، طبعا كلمة المرور بيهة شروط لازم تنفذهة والا ما تنجح عملية التسجيل، الشروط هية انو تكون كلمة المرور بين 8 الى 12 عنصر لا اكثر ولا اقل ايضا تحتوي حروف انكليزية كبيرة وصغيرة وارقام ورموز.

رصيد بطاقة كي ماستر كارد


بعد ما نكتب الرقم السري نضغط على تسجيل ومبروك عليك الحساب مثل مدا تشوف بالصورة:

استقطاعات بطاقة ماستر كارد الرافدين


هسة بقت خطوة اخيرة وهية تروح للأيميل اللي سجلت من خلاله حتشوف رسالة واصلة الك من الموقع وبيهة كلمة Click Here تضغط عليهة حنشوف بعدهة صفحة اخيرة مكتوب عليهة تم تنشيط الحساب مثل مدا تشوفون بهاي الصورة:

كشف حساب كارت مصرف الرافدين


هسة نضغط على دخول ونكتب البريد الالكتروني وكلمة المرور اللي كتبناهن بالتسجيل وراهة نكتب تسجيل الدخول وبهالطريقة حتطلعلنة صفحة المعلومات الكاملة بالحساب.  

برامج وشروحات

للأستزادة والاستفادة اكثر ومشاهدة الخطوات بالفيديو وبصورة واضحة ودقيقة اكثر شاهد الفيديو بالاسفل ولا تنسى اللايك والاشتراك: